Arciconfraternita Maria SS dei Sette Dolori di Agrigento

L'Addulurata

E pedi di la cruci c’è Maria,
la Matri Addulurata, ca nun parla.
Di lacrimi ha ‘nzuppatu la so via
E nun rinesci nuddu a cunfurtarla.Nenti cchiù senti e nenti la svaria.
Li mani ‘npettu teni e ‘u sguardu fissu
a lu so Caru Beni, ca pinia
pì ‘nà guccidda d’acqua, Crucifissu.
‘Ntà lu so cori tuttu si stipia
duluri granni mai pruvatu o munnu,
comu un mari aggitatu ca tuppia
pì nesciri e jttarisi d’intunnu.Sulu un pinseri la so menti teni:
“Gesuzzu beddu a mmia sta pena duna,
pirchì sulu sta gioia mi tratteni
di moriri pì dui e sugnu una.Sulu di Tia vivi a tò Matrizza
E comu pensi allura di vassalla?
Nun vidi ca ci nesci già l’armuzza
E senza ‘ì Tia è peggio c’ammazzalla?”Ma ‘u cori di Maria è libru apertu,
tuttu Gesù vi leggi e teni a menti
la gioia cchiù armuniusa d’un cuncertu,
chi sulu iddu, spasimannu senti.(testo Don Stefano Pirrera, gia' Rettore del Santuario)

Lu venniri matinu

C: Cronista, D:Giuvanni, M: Maria, G:Gesù, F: Firraru, ripetere tutti
* solo per il Venerdì Santo

C: Dumani ch’è lu Venniri matinu
* Agghiorna lu Venniri matinu:

La Bedda Matri si misi ‘ncaminu
‘ncuntrannu a S. Giuvanni pì la via:D: Unni jti Vu Matri Maria? M: Vaju circannu a Jesu Nazarenu ch’è
Lu chiuviddu dì l’armuzza Mia D: Vaiti nnì la casa di Pilatu
Ca lu truvati ‘nchiusu e ‘ncatinatu M: Tuppì, tuppì…G: Cu è darrè sta porta?M: La to Mammuzza cà Ti va circannu G: O cara Mamma nun ti pozzu apriri
Cà li Judei mi tennu ‘ncatinatu
La cruna d’oru mi stanno livannu
Chidda di spini mmi stanno mittennu C: Maria quannu senti sti paroli si jetta
‘nterra sona la ‘ncunia
Maria passa di nà strata nova
la porta d’un firraru aperta era M: O bonu mastru chi faciti a st’ura?F: Fazzu ‘nà lancia e tri pungenti chiova
Pì lu figlizzu amatu di Maria.
M O bonu mastru nun li fati a st’ura,
di novu vi la pagu la matria F: O bona donna nun vi pozzu sirviri
pirchì unni c’è Gesù ci mettine a mia C: Maria Maria lu To Figliuzzu passa,
passà cu nà catina longa e grossa
Maria quannu senti stì paroli si jetta
‘nterra sona la ‘ncunia
Lu Venniri un si cantanu canzoni,
si penza pì la Morti e la Passioni
E l’acqua di lu mari torna ogliu,
guardatici lu Venniri a me Figliu.(testo popolare)

Lu Duluri di la Matri Santa

G: Gesù, M: Maria, C: Coro.G: O Matri Santa china di duluri

A Vui lu me cori vogliu apriri,
vi pregu nun chiangiti pì favori,
se no perdu la forza di parlari.M: Figliuzzu beddu tu sì gioia mia,
li lacrimi trattegnu e li suspiri.
Cu cerca lu so beni ti disia,
senza di Tia è peggio chi muriri.
G: Aieri mi purtaru ni Pilatu
Dicennu: “ St’omu tu l’ha cunnannari,
si ‘ncruci un lu fa mettiri ‘nchiuvatu,
sta certu ti facemu arrizzulari”M: E comu Figliu beddu si scurdaru
Lu pani ca ci dasti tu a mangiari:
e l’orbi ca la vista ritruvaru
e i morti ca facisti suscitari?G: Pilatu, certu pi nun fari errori,
cumannu detti pì mi flagillari,
li spini ‘ntesta, cu forti duluri,
mi li ‘ncarcaru pì mi svrigugnari. M: E no Jatuzzu miu, nun mi lu diri,
lu cori mi lu sentu spiccicari.
Nun haiu comu fari pi putiri
Tutti li piaghi to iu midicari. G: A morti sugnu ormai cunnannatu.
Ma amuri duna forza e pazienza,
perciò la Cruci portu rassignatu,
pì vinciri di l’omu a dilinquenza.M: Gesuzzu beddu a mia sta Cruci duna
Quantu arrisosi un pocu sti spadduzzi,
vasariti li chiaghi una ad una
vurria stringiri ‘npettu li piduzzi. G: Matrizza mia, sugnu ‘n Cruci:
si l’omini abbrazzati comu figli,
anchi la morti arriva duci duci
e a terra torna a dari rosi e gigli.M:Figliuzzu miu, comu si arriduttu,
tra li me razza si tuttu pistatu,
lu chiantu miu versu a cori ruttu,
putissi dari a Tia lu me jatu.C: O Matri Addulurata Vu viditi
Lu munnu è tuttu chinu di piccati,
si pì pietà nun ci binidiciti
ristamu nì sta vita dispirati.

(testo Don Stefano Pirrera, gia' Rettore del Santuario)